Астанада желдету монтажы: кезеңдер, талаптар, нормалар

Сауатты орындалған желдету жүйесі монтажы — тұрғын, коммерциялық және өнеркәсіптік объектілердің жайлылығын, қауіпсіздігін және энергия тиімділігін қамтамасыз етудің негізгі факторларының бірі. Желдету жүйесі үй-жайлардың мақсатына қарай олардағы ауа массаларының тиісті сапасын сақтай отырып, жайлы микроклиматты қамтамасыз етуі тиіс.

Нормалар мен талаптар

Қазақстанда ауаның температурасына, ылғалдылығына, тазалығына қойылатын талаптар МЕМСТ-термен, ҚНжЕ-мен, санитариялық қағидалармен және нормалармен реттеледі. Желдету жүйелерін жобалауға және монтаждауға қойылатын негізгі талаптар ҚР ҚНжЕ 4.02-42-2006-да айқындалған.

Желдету жүйелерін есептеу кезінде көптеген факторлар ескеріледі — объектінің мақсаты, үй-жайлардың көлемі, өрт қауіпсіздігі талаптары, санитариялық-гигиеналық нормалар. Температура, ылғалдылық, шаң мөлшері, зиянды булар мен газдардың болуы және олардың деңгейі нормаланады. Сонымен қатар жұмыс істеп тұрған желдету жүйесінің шу деңгейі бойынша нормалар бар.

Желдету жүйесін орнату кезеңдері

Желдету жүйесін монтаждау объектіні зерттеп-тексеруден және жобалаудан басталады. Мамандар нормативтер мен тапсырыс берушінің талаптарын ескере отырып, желдету жүйесінің жобасын әзірлейді. Олар ауа алмасуды есептейді, ауа өткізгіштердің, желдету қондырғыларының және басқа да құрамдас бөліктердің орналасу схемасын жасайды, қажетті материалдар мен жабдықтың спецификациясын құрастырады.

Монтаждау жұмыстары басталар алдында құрылыс алаңын дайындау қажет. Монтажшылар жабдықты орнату және ауа өткізгіштерді төсеу орындарын белгілейді, қабырғалар мен аражабындарда тесіктер тесіп, жабдықты орнату орындарын дайындайды.

Одан кейін ағынды және сорғылы желдеткіштер, рекуператорлар және басқа да жабдықтар орнатылады, ауа өткізгіштер төселеді, желдету торлары мен диффузорлар монтаждалады. Монтаждау аяқталғаннан кейін іске қосу-баптау жұмыстары жүргізіледі, олар жұмысқа қабілеттілікті тестілеуді және ауа алмасу көрсеткіштерін өлшеуді қамтиды.

Желдету жүйелерін жобалауды және орнатуды тиісті бейіндік білімі мен тәжірибесі бар мамандар орындауы тиіс. «РСТМ-НС» компаниясының Қазақстанда желдету жүйесін кәсіби монтаждауы — желдету жүйесінің сенімді әрі ұзақ жұмыс істеуінің кепілі. Жобалаудан бастап монтаждау мен сервистік қызмет көрсетуге дейінгі жұмыстардың толық циклін орындау қойылған міндеттердің тиімді шешілуіне кепілдік береді.