Құбыржолдарды оқшаулау түрлері

Құбыржолдарды жылу оқшаулау болат арматураны түрлі сыртқы әсерлерден сенімді қорғауға мүмкіндік береді және қызмет ету мерзімін едәуір ұзартады. Бұл сақтық шарасы жер бетінде де, жердің терең қабатында да орналасқан кәріз желілерін, магистральдерді және басқа да жылу желілерін төсеу кезінде міндетті. 

Құбыржолдарды оқшаулау түрлері

Әрине, қасиеттері мен мақсатына қарай оқшаулау бір типті бола бермейді. Түрлерінің арасында мыналар бар:

• көбікполиуретан;
• арматураланған көбікбетон;
• құрамында ПВХ немесе полиэтилен бар таспалар;
• көбікполиминерал.

Құбыржолдарды оқшаулау түрлері, жоғарыда аталғандай, әртүрлі өлшемді табақ немесе құбыр пішінді кесек бөлшектер болып келеді. Олардың әрқайсысы жеке физика-техникалық және жұмыс параметрлерімен сипатталады. 

ППУ оқшаулауы

ППУ-дан жасалған  қабықтар немесе қабықшалар — сұранысқа ие түр, ол сыртқы және ішкі құбыржолдар мен құбыржол бөлшектеріне өте жақсы сәйкес келеді және көп рет қолданылатынымен ерекшеленеді. 

ППУ қабаты ішкі құбыр мен полиэтиленнен жасалған сыртқы үлбірдің арасына сұйық құрамды орналастыру арқылы түзіледі. Жабынның әрі қарай пайдалануға дайындығы оның қатаюымен не қажетті пішінге келуімен анықталады.

ППМ оқшаулауы

ГВС (ыстық сумен жабдықтау) құбырларының жоғары берік қаптамасы үшін қарастырылады. Тосқауыл қабатын түзер алдында ғана араластырылған көпіршіктелген компонент пен минералдық толтырғыш — оқшаулаудың негізгі құрамдас бөліктері. Мынадай қабаттарды көздейді:

• сыртқы қыртыс қабаты;
• ішкі коррозияға қарсы қабат;
• жылу оқшаулағыш қабат.

Құбыр диаметрі, пайдалану жағдайлары және МЕМСТ талаптары — жабын қалыңдығына тікелей әсер ететін көрсеткіштер. 

ВУС оқшаулауы (өте күшейтілген)

Коррозияға қарсы қасиеттері бар жабын — екі қабатты әрі күшейтілген.

Сондай-ақ жабынға мыналар тән:

• коррозияға, деформацияға, сондай-ақ химикаттарға жоғары төзімділік;
• су өткізбеушілік.

Тәсілдің негізінде экструзияның технологиялық әдісі жатыр, оның құрылымында — полиэтилен үлбір мен термобалқымалы адгезив негізіндегі терможиырмалы элемент. Жабын сұйық құрамдас бөлікпен және адгезивті астар қабатпен футеровка жасалғаннан кейін қолданылады, бұл салмақты арттырады. 

Құбыржолдарды оқшаулау түрлеріне мыналар да жатады:

• шыны мақта;
• битум.

Қайсысын таңдаған жөн?

Таңдау процестің жылдамдығы мен ұзақ мерзімділігіне тікелей әсер етеді. Мұны ұмытпау керек.  

Оқшаулау түрін анықтау кезіндегі басты өлшемшарттар қатарында тығыздық пен сығылғыштық қана емес, сонымен қатар жанғыштық, бу өткізгіштік және суды тебу не сіңіру қабілеті сияқты қасиеттер де бар. 

Айта кетейік, жылулық қорғау кез келген жағдайда магистральдің жұмыс көрсеткіштерін едәуір арттырып, қызмет ету мерзімінің ұзаруына әсер етеді.